Unha das rutinas que xa temos asentada no noso día a día é a do calendario diario: plasmar no papel o traballado previamente na asemblea e coa observación directa ao exterior.
O calendario é un obxecto aparentemente sinxelo e cotiá que os adultos precisamos para a xestión de tarefas e do tempo. Para as nenas e nenos dan sentido e significado a algo tan complexo e abstracto como o paso do tempo.
Ademais do que xa levamos facendo dende o principio de curso: rexistrar os ciclos (día, semana, mes); conceptos de hoxe, onte e mañá; eventos importantes; fases da lúa... no mes pasado iniciámonos no coñecemento dos aparellos meteorolóxicos e o rexistro dos datos recollidos.
E grazas a iso puidemos decatarnos de primeira man que o "cambio climático" está aí, pois as temperaturas que tivemos no mes de xaneiro foron as máis cálidas rexistradas da historia nun mes de xaneiro. E o máis preocupante: levamos oito meses seguidos batendo récords de temperaturas!
